Sunod-sunod nang miabot sa Pilipinas ang mga lider sa nagkadaiyang nasud aron motambong sa ika-49 nga ASEAN Summit and Related Summits.
Karong Lunes, miabot sa nasud si South Korean President Lee Jae Myung, nga gisundan ni New Zealand Foreign Minister Winston Peters.
Ang South Korea ug New Zealand duha lamang sa 11 ka dialogue partners sa ASEAN nga moapil sa related summits ugma, Martes.
Miabot usab karong Lunes sa hapon si Japanese Prime Minister Takaichi Sanae, samtang gipaabot nga mosunod pa ang ubang mga lider sa mga nasud nga dialogue partners sa ASEAN hangtod karong gabii.
Nakaeskedyul usab ang bilateral meetings ni Pangulong Ferdinand Marcos Jr. uban sa mga lider sa United States, Australia, Japan ug South Korea.
Samtang, gikatakdang hisgotan pa ang posibilidad sa bilateral meetings sa Pangulo uban sa mga lider sa India ug Laos, ingon man sa United Nations Secretary-General.











