Narekober ang kapin 5.8 gramos nga gidudahang shabu nga nagkantidad og P39,440 atol sa operasyon sa kapulisan sa Barangay Mabuhay, General Santos City.
Nasikop ang 39-anyos nga si alyas “RR,” residente sa Purok 13 sa maong barangay, atol sa pagpatuman sa Search Warrant Number 26-153 pasado alas 2:36 sa kaadlawon niadtong Nobyembre 14, 2026.
Gipahigayon ang operasyon sa mga personahe sa Police Station 9 ubos sa pagpangulo ni Police Major Joseph William Placer, Station Commander, inubanan sa Philippine Drug Enforcement Agency o PDEA Region 12, tungod sa giingong paglapas sa Section 11, Article II sa Republic Act 9165 o Comprehensive Dangerous Drugs Act of 2002.
Narekober gikan sa balay sa suspek ang unom ka plastic sachets nga adunay gidudahang shabu, usa ka plastic container nga adunay mga salin sa gidudahang ilegal nga droga, mga tooters, lighter ug digital weighing scale.
Gibanabana nga mikabat sa 5.8 gramos ang gibug-aton sa nakuhang gidudahang shabu nga adunay standard street value nga P39,440.
Gihimo ang operasyon atubangan sa suspek, laing nagpuyo sa balay ug sa gikinahanglang insulating witnesses. Gisiguro usab sa mga otoridad ang hustong pagmarka, pag-inventory ug pagkuha og litrato sa mga nakuhang ebidensiya subay sa balaod.
Padayon pa ang pagproseso sa mga dokumento ug imbestigasyon kalabot sa maong operasyon.
