Gikumpirma ni US President Donald Trump nga wala nay dugang plano ang Estados Unidos nga atakehon ang Iran.
Matod sa Presidente sa US, ang mga negosasyon nga nagtumong sa pagtapos sa panagbangi sa Middle East nagpadayon sa positibong direksyon.
Dugang pa niya nga ang desisyon mahitungod sa posibleng pag-atake anaa karon sa kahimtang nga “status quo” o walay kausaban.
Gipahayag kini ni Trump human sa iyang pakigtagbo sa Punong Ministro sa Qatar.
Ang Qatar usa ka kaalyado sa US sa Gulf Region ug silingan sa Iran.
Diin ang Qatar adunay mahinungdanong papel isip tigpataliwala sa mga paningkamot aron tapuson ang maong panagbangi.
Hinuon, giklaro ni Trump nga ang US nagpabiling andam o sa iyang mga pulong, andam na sa hingpit kung mausab man ang sitwasyon.
Matod niya, dili pa ang hustong panahon alang sa US nga ideklarar ang pagtapos sa panagbangi uban sa Iran, tungod kay ang pipila ka mga nasod sa Middle East nagpabiling huyang sa agresyon gikan sa Iran.
