-- ADVERTISEMENT --
Padayon ang paghatag og pinansyal nga tabang sa Department of Social Welfare and Development o DSWD Field Office XII ngadto sa mga pamilyang naapektuhan sa magnitude 7.8 nga linindol niadtong Hunyo 8, 2026.
Niadtong Nobyembre 9, 2026, nakadawat og tig-₱5,175 nga pinansyal nga ayuda ang 1,022 ka Persons with Disabilities o PWDs sa General Santos City kansang mga balay partially damaged o partially nadaot tungod sa linindol.
Gihatag ang ayuda ubos sa UPLIFT Assistance o Emergency Cash Transfer for Disaster Victims aron matabangan ang mga benepisyaryo sa pagtagbo sa ilang nag-unang panginahanglan.
Pinaagi niini, gitabangan sa DSWD XII ang mga pamilyang naapektuhan sa linindol aron makabangon gikan sa epekto sa kalamidad.
