Bawal Bastos Law, gipasiugda isip bahin sa pagbangon human sa mga kalamidad sa Sarangani

Gipahinumdoman ang publiko sa probinsya sa Sarangani nga walay lugar ang pagpangbastos ug bisan unsang matang sa pagpang-abuso sa komunidad.

Pinaagi sa kampanya, giawhag ang tanan nga magtinabangay sa pagtukod og luwas, matinahuron ug inklusibong palibot alang sa matag usa, ilabi na panahon sa pagbangon gikan sa mga kalamidad.

Gipahinumdoman usab ang publiko sa kahinungdanon sa Safe Spaces Act o Bawal Bastos Law, nga naghatag og proteksyon batok sa pagpangharas ug pagpang-abuso, ilabi na sa kababayen-an ug mga bata.

Gihangyo ang mga makasinati o makasaksi sa maong mga insidente nga ireport kini dayon sa Women and Children Protection Desk sa ilang Municipal Police Station.