Misulat pag-usab sa kasaysayan sa tennis ang Filipina tennis star nga si Alex Eala human nakab-ot ang career-high nga world No. 15 sa pinakabag-ong Women’s Tennis Association (WTA) rankings nga gipagawas kagahapon, Nobyembre 9.
Misaka og duha ka pwesto si Eala gikan sa iyang kanhing No. 17 nga ranggo, nga nakalabaw na usab kaniadto sa upat ka higayon nga Grand Slam champion nga si Naomi Osaka.
Nakuha ni Eala ang maong ranggo human niya maabot ang finals sa Hong Kong Tennis Open, diin nakontento siya sa ikaduhang puwesto human mapildi batok sa Amerikanang si Claire Liu.
Pinaagi niini, nahimong pinakataas og ranggo nga Filipina ug Southeast Asian player si Eala sa kasaysayan sa WTA.
Nahimong malampuson usab ang iyang 2026 season human nakadaog og mga titulo sa Washington ug Birmingham, lakip na ang iyang pag-abot sa fourth round sa Wimbledon.
