DILG, gimandoan ang BJMP nga maghatag og katin-awan sa presensya sa assistant ni Romualdez sulod sa bilanggoan

Gimandoan ni Interior Secretary Jonvic Remulla ang Bureau of Jail Management and Penology o BJMP nga motubag sa isyu bahin sa presensya sa usa ka assistant ni kanhi House Speaker Martin Romualdez sulod sa New Quezon City Jail sa Payatas.

Matod ni Remulla, kinahanglan ipatin-aw sa BJMP kung unsay basehan sa pagtugot nga adunay assistant si Romualdez sulod sa prisohan.

Gipadayag usab sa kalihim nga walay bisan kinsang detainee ang angay makadawat og espesyal nga pagtratar sulod sa bilanggoan.

Gusto usab ni Remulla nga mahibal-an kung kinsa ang mi-apruba sa maong kahikayan alang kang Romualdez.

Gilauman sa opisyal nga masumite ni BJMP Chief Efren Nemeno sulod sa gitakdang deadline ang tanang rekord kalabot sa maong isyu.