GENSAN- Nakadawat og food packs ang 57 ka Persons Deprived of Liberty o PDL nga nagpuyo sa Female Dormitory sa General Santos City gikan sa lokal nga pangagamhanan isip kabahin sa pagsaulog sa National Correctional Consciousness Week.
Ubos sa pagpangulo ni City Mayor Lorelie Geronimo Pacquiao, naghatag og suporta ang city government sa mga programa nga nagtumong sa pagpanalipod sa kaayohan, dignidad ug katungod sa mga PDL, bisan unsa pa ang ilang kahimtang.
Gipasiugda ni Mayor Pacquiao ang kamahinungdanon sa pagtratar sa matag usa nga may respeto, pagtagad ug pagsabot, lakip na ang paghatag kanila og kahigayonan nga makakat-on, mausab ug makasugod pag-usab.
Kabahin kini sa mga paningkamot sa LGU-GenSan nga dili lamang maghatag og tabang, kondili maghatag usab og paglaum ug kahigayonan sa tanan, lakip na sa mga PDL.
