Gipahibalo ni NCRPO Spokesperson Lt. Col. Hazel Asilo sa usa ka eksklusibong interbyu sa Bombo Radyo, ang mga pagpangandam sa ilang pwersa alang sa umaabot nga ika-49 nga ASEAN Summit—nga ipahigayon sa nasud gikan sa Nobyembre 16 hangtod 18, 2026—anaa na karon sa “katapusang bahin’.
Gikumpirma nga ang mga nag-unang lider gikan sa 11 ka nasud nga miyembro sa ASEAN motambong sa summit, nga pangulohan ni Presidente Ferdinand “Bongbong” Marcos Jr. ugang pa, gipaabot usab ang pag-abot sa mga lider gikan sa mga “dialogue partner”—sama ni U.S. President Donald Trump—ingon man ang uban pang mga taas nga opisyal nga representante gikan sa mga kaalyadong nasud ug internasyonal nga mga organisasyon.
Isip kabahin sa pagpatuman sa seguridad, gipahayag ni Asilo nga anaa sa gibana-banang 12,600 ka mga pulis ang andam nga i-deploy sa nagkalain-laing kritikal nga mga lokasyon ug pasilidad. hiuon, giklaro niya nga kini nga gidaghanon mahimo pang madugangan, depende sa panginahanglan sa sitwasyon.
Gawas sa pwersa sa kapulisan, magsalig usab ang mga awtoridad sa kooperasyon sa mga kaalyadong ahensya ug uban pang mga ahensya sa gobyerno. Bisan tuod wala pa matino ang eksaktong kinatibuk-ang gidaghanon gikan niining mga grupoha, dako ang ilang papel nga pagahimoon sa pagsiguro sa seguridad.
Tungod niini, ang tibuok pwersa sa kapulisan ibutang sa “full alert status” samtang nagkaduol ang mga petsa sa summit. Kining mga lakang gihimo aron masiguro ang kinatibuk-ang kaluwasan ug kahusay, nga makatabang sa malampusong pagpahigayon sa ika-49 nga ASEAN Summit.
