Kapin sa 40.7 ka milyon ka mga tawo ang mibisita sa mga sementeryo, memorial park, ug columbaria sa tibuok nasud gikan sa Oktubre 30 hangtod sa Nobyembre 2, sumala sa Philippine National Police (PNP).
Base sa usa ka taho sa pagmonitor sa tibuok nasud, gipahayag sa PNP nga ang kinatibuk-ang gidaghanon sa mga bisita sa 5,311 ka mga sementeryo, memorial park, ug columbaria miabot sa 40,740,246 hangtod sa alas 6:00 sa buntag sa Nobyembre 2.
Gikan niining kinatibuk-ang ihap, 1,695,440 ka mga bisita ang natala atol sa panahon sa pagmonitor hangtod sa alas 6:00 sa buntag sa Nobyembre 2.
Samtang, 6,499 ka mga gidili nga butang ang nakumpiska sa mga sementeryo sa tibuok nasud. Lakip niini ang 879 ka mga hait nga hinagiban ug uban pang hait nga mga butang, 62 ka mga ilimnong makahubog, 2,817 ka mga lighter, 1,739 ka mga sigarilyo ug vape products, 180 ka mga gamit sa pagluto, ug 397 ka mga substansya nga daling masunog.
Nagpadayon ang PNP sa ilang pag-deploy sa mga pwersa sa tibuok nasud, pinaagi sa pagbutang og mga police assistance desk ug emergency response team—in coordination uban sa mga personahe gikan sa ubang ahensya sa gobyerno ug uban pang mga katabang nga pwersa—aron pagtabang sa mga bisita.
Nanawagan si PNP Chief Gen. Jose Melencio Nartatez Jr. sa publiko nga bantayan pag-ayo ang ilang mga gamit, sigurohon nga anaa kanunay sa ilang panan-aw ang mga bata, ug tumanon ang mga lagda ug regulasyon sa mga sementeryo.
Giawhag usab ang mga bisita nga moduol dayon sa pinakaduol nga police assistance desk o sa usa ka opisyal sa kapulisan kung nagkinahanglan sila og tabang o kung adunay mahitabong emerhensya.
