-- ADVERTISEMENT --
Gikumpirma sa pamilya ang pagpanaw sa 55 anyos nga komedyanteng si Gil Aducal Morales, nga mas nailhan sa publiko nga si Ate Gay, karong Dominggo, Nobyembre 1, 2026, pinaagi sa usa ka pahibalo sa iyang opisyal nga Facebook page.
Matod sa iyang pamilya, malinawon siyang mipanaw samtang gilibotan sa iyang mga minahal sa kinabuhi human maisogong nakigbisog alang sa iyang kinabuhi.
Dugang pa sa pamilya, ipahibalo sa dili madugay ang mga detalye kalabot sa iyang haya ug lubong.
Kahinumdoman nga una nang gikumpirma sa pamilya nga nag-antos si Ate Gay og stroke niadtong Oktubre 29 ug gidala sa ospital diin gihatagan siya og medikal nga pag-atiman ug gibantayan sa intensive care unit (ICU) tungod sa kritikal niyang kahimtang.
