Gipasanginlan sa Iran ang Estados Unidos nga kulang sa seryosong tinguha ang Washington sa negosasyon ug padayon nga gisagol ang diplomasya sa pagpahamtang og mga kondisyon.
Matod ni Foreign Ministry spokesperson Esmaeil Baqaei, dili kasaligan ang Estados Unidos tungod sa nangaging mga aksyon niini bisan pa sa mga pahayag kalabot sa negosasyon.
Giingon ni Baqaei nga dili seryoso ang Amerika sa pakigsabot.
Samtang, mikunhod ang presyo sa lana sa world market niadtong Lunes tungod sa paglaom nga mahupay ang tensiyon, bisan pa sa nagpabiling kabalaka gumikan sa padayong mga pag-atake sa Saudi Arabia.
Miubos og 1.57 dolyares o 1.35 porsyento ang presyo sa Brent crude futures, samtang mikunhod usab og 2.11 dolyares o 2.04 porsyento matag baril ang presyo sa US West Texas Intermediate.
Sa laing bahin, nagpadayon ang mga pag-atake sa mga pasilidad sa lana sa Saudi Arabia bisan pa sa paningkamot sa mga tigpataliwala sa diplomasya.
Sumala sa International Energy Agency, gilauman nga magpabilin ang kabalaka sa suplay sa enerhiya samtang wala pa hingpit nga masulbad ang kagubot sa rehiyon.
