Abante na ngadto sa Round of 16 ang Filipina tennis star nga si Alex Eala human niini gipildi ang British wildcard nga si Mika Stojsavljevic sa skor nga 6-1, 6-2, sa Round of 32 sa Toray Pan Pacific Open sa Japan kagahapong adlawa
Kusog ang gipakitang duwa ni Eala sa unang set diin nakakuha kini og 5-0 nga bentaha, samtang sa ikaduhang set, milaban pag-ayo si Stojsavljevic apan napugngan gihapon kini sa Filipina nga atleta.
Bisan pa sa tulo ka break points nga giatubang niini sa ikapitong duwa sa ikaduhang set, malampusong nakabawi si Eala ug nakapuntos og sunod-sunod nga forehand winners aron masiguro ang iyang kadaugan.
Pinaagi niini, moatubang si Eala sa sunod nga hugna kang Talia Gibson, ang kasamtangang Women’s Tennis Association Rank 38, alang sa higayon nga makasulod sa quarterfinals sa Asian Swing.
