LALAKE SA PARAGUAY NGA WALAY KAMOT UG TIIL, GIPAKITA NGA DILI BABAG ANG PISIKAL NGA LIMITASYON ARON MAHIMONG MAAYONG AMAHAN

Bisan walay kamot ug tiil, napamatud-an ni Pablo Acuña sa Paraguay nga dili babag ang pisikal nga kahimtang aron mahimong maayong amahan sa iyang duha ka anak nga babaye.

Human sila gibiyaan sa ilang inahan sa bata pa silang edad, si Pablo ang nagpadayon sa pagpadako kanila, uban sa tabang sa iyang inahan nga si Ignacia.

Nailhan si Pablo sa ngalang “Pablo Carretilla” tungod sa gamay nga kariton nga iyang gigamit aron makalihok sa adlaw-adlaw.

Apan human sa daghang katuigan, mibalik gikan sa Argentina ang usa sa iyang mga anak aron sa pag-atiman kaniya human sa pagkamatay sa ilang lola.

Ang maong panghitabo nagpakita sa pagbalos sa gugma ug pag-atiman sa anak ngadto sa amahan nga naningkamot sa pagpadako kanila bisan pa sa iyang mga limitasyon.