Usa ka langyaw ang namatay human gitabangan ug bunal sa 50 ka tawo atol sa anti-immigrant march sa siyudad sa Durban, South Africa, samtang nagkagrabe ang tensiyon batok sa mga imigrante sa nasud.
Matod sa kapulisan, giatake ang biktima nga nagbarog sa kilid sa dalan samtang nagmartsa ang grupo sa sentro sa siyudad. Gibanabanang anaa sa edad nga 30 hangtod sa sayong bahin sa 40 anyos ang biktima, apan wala pa mahibaloi ang iyang nasyonalidad.
Wala pa madakpan ang mga suspek ug nagpadayon ang imbestigasyon aron mailhan ang mga responsable sa maong pagpatay.
Nahitabo ang insidente taliwala sa nagkagrabeng mga protesta batok sa mga langyaw, diin adunay mga grupo nga nanawagan sa gobyerno nga pahawaon ang mga imigrante nga walay tukmang dokumento.
Samtanng gikondena ni South African President Cyril Ramaphosa ang kapintasan batok sa mga imigrante, samtang giila usab niya ang mga kakulangan sa sistema sa pagkontrol sa mga utlanan sa nasud.
