Gipanghimakak ni Senador Panfilo “Ping” Lacson nga tinuyo ang pagtakda sa 50 milyong pesos nga pabuya ug ang ultimatum sa pagsurender ni Senador Ronald “Bato” dela Rosa aron mapugngan kini sa pagboto sa impeachment trial batok kang Bise Presidente Sara Duterte.
Gipasabot ni Lacson nga base sa naunang desisyon sa impeachment court, ang gikinahanglang dos-terdos nga boto alang sa conviction ibase lamang sa mga senador nga legal ug aktuwal nga makahimo sa pag-apil sa paghusay.
Dugang pa niya, lisod na alang kang Dela Rosa nga makalikay sa pagdakop ug makaapil sa impeachment trial nga walay risgo nga maaresto.
Gipasidan-an usab niya nga kon mobalik ang senador sa Senado aron moboto, nameligro kini nga madakpan.
Nahinumdoman nga nagtakda ang gobyerno og 50 milyong pesos nga pabuya alang sa impormasyon nga makatultol sa pagdakop kang Dela Rosa, samtang gihatagan siya sa Philippine National Police og usa ka semana aron mosurender.
Gikuwestiyon usab sa mga abogado sa senador ang legalidad sa maong pabuya.
