SULTAN KUDARAT- Patay ang usa ka 17-anyos nga estudyante human giingong gituok gamit ang pisi sa usa ka 19-anyos nga lalaki sa Cuello Street, Purok Bagong Silang, Barangay Kalawag 2, Isulan, Sultan Kudarat.
Giila ang biktima nga si Alyas Mari residente sa Purok Namnama, Barangay Villamor, Esperanza, Sultan Kudarat.
Samtang, ang suspek giila nga si Alyas Norbe 19-anyos, usa ka packer sa shopping mall sa Gensan ug residente sa Barangay Sewod, Senator Ninoy Aquino, Sultan Kudarat.
Base sa report sa Isulan Municipal Police Station, nahitabo ang insidente mga alas 9:30 sa gabii, Oktubre 24, samtang nadawat sa kapulisan ang report alas 3:00 sa kaadlawon ning adlawa, Oktubre 25, 2026.
Human sa dugang nga imbestigasyon ug hot-pursuit operation, nadakpan ang suspek alas 8:30 sa buntag ning Oktubre 25.
Samtang, anaa na ang suspek sa kustodiya sa kapulisan alang sa tukmang disposisyon.
