GENSAN- Padayon nga gipakusgan sa General Santos City Police Office kon GSCPO ang kampanya batok sa mga ‘loose firearms’ o mga armas nga walay legal nga dokumento, ilabina human sa bag-ohay lang nga insidente sa pagpamusil sa Barangay Fatima, ning dakbayan.
Matod ni PCol. Ariel Acala, City Director sa GSCPO, nagpadayon ang ilang mga operasyon pinaagi sa pagpatuman og mga ‘search warrant’ batok sa mga kalapasan sa Republic Act 10591 o ‘Comprehensive Firearms and Ammunition Regulation Act’.
Gibutyag ni Acala nga matag semana aduna silay mga nahimo nga operasyon ug mga nadakpan nga adunay mga ‘loose firearms’.
Tumong sa maong kampanya nga matangtang sa komunidad ang mga armas nga ilegal nga gipanag-iya aron mapugngan ang mga insidente sa pagpamusil ug mamentina ang kaluwasan sa publiko.
