-- ADVERTISEMENT --
Miabot na sa kapin 4,000 ang mga kaso sa dengue sa siyudad sa Manila gikan Enero hangtod Oktubre 19, base sa datos sa Manila Health Department.
Sumala sa Epidemiology and Disease Surveillance System, mikabat sa 4,048 ang natala nga kaso sa dengue sa maong siyudad.
Gawas niini, nakarekord usab ang Manila og 28 ka bag-ong kaso sa influenza-like illness o ILI, diin duha ang severe acute respiratory infection o SARI, ug usa ka kaso sa leptospirosis.
Wala usab natala nga kaso sa cholera, typhoid fever ug kumpirmadong COVID-19.
Giawhag ni Manila Mayor Isko Moreno ang mga residente nga mokonsulta dayon sa mga eksperto sa panglawas ug dili maghulat nga mograbe ang mga sintomas sa ilang gibating sakit.
-- ADVERTISEMENT --
