Senador JV Ejercito nipasalig nga ang proposed national budget para sa 2027 di magamit sa pag-impluwensya sa impeachment trial batok kang Bise Presidente Sara Duterte.
Isip Chairman sa Senate Committee on Finance, gihimakak ni Ejercito ang pasangil sa bise presidente nga ang pundo sa gobyerno mahimong gamiton nga himan sa politika ug pagdani sa mga magbabalaod sa pagbotar pabor sa iyang pagkakonbikto sa impeachment trial.
Una nang gikuwestiyon ni Duterte kung gigamit ba ang 2027 national budget proposal alang sa giingong pag-apod-apod sa kuwarta ug mga political agreements may kalabotan sa impeachment proceedings.
Wala gitumbok sa bise presidente ang mga espisipikong transaksyon o mga indibidwal nga giingong nalambigit sa giingong pamolitika.
Matod ni Ejercito, nanghinaot siya nga dili magduda ang mga senador nga magsilbing senator-judges sa impeachment trial.
Matod niya nga daghang problema ug hagit ang kinahanglang tutukan sa kagamhanan, apan kabahin sa tahas sa mga senador ang pagtuman sa ilang constitutional responsibility sa impeachment proceedings.
Iyang gisubli nga ang nasudnong budget dili tugotan nga magamit alang niini nga katuyoan, iyang katungdanan ang pagsiguro nga ang gisugyot nga pondo sa gobyerno husto nga pagdumala.
