Nag-una ang San Antonio Spurs ug ang ilang superstar center nga si Victor Wembanyama sa ika-25 nga tinuig nga NBA General Manager Survey, diin gipaboran ang Spurs nga modaog sa 2027 NBA championship ug si Wembanyama nga makadawat sa Most Valuable Player (MVP) award sa 2026–27 season.
Sa survey nga gipahigayon sa NBA ug gitubag sa 30 ka general manager sa liga, nakakuha ang Spurs og 50 porsiyento sa mga boto isip posibleng kampeon, samtang misunod ang Oklahoma City Thunder nga adunay 43 porsiyento.
Nanguna si Wembanyama sa walo ka kategorya, lakip ang MVP diin nakadawat siya og rekord nga 77 porsiyento sa mga boto, ug ang magdudula nga labing gustong pilion sa mga general manager aron tukoron ang usa ka prangkisa, diin nakakuha siya og 93 porsiyento.
Nakadawat usab siya og 97 porsiyento sa mga boto isip pinakamaayong depensibong magdudula sa NBA, samtang ang iyang kauban sa Spurs nga si Dylan Harper maoy gipaboran nga magdudula nga posibleng makapakita og dakong kalamboan sa 2026–27 season, nga nakakuha og 27 porsiyento sa mga boto. (raniel mahunyag)
