Malipayong gipaambit ni Carlos Yulo ang iyang ‘wedding proposal’ ngadto sa iyang long-time partner nga si Chloe San Jose.
Matud sa iyang Instagram post, siyam na ka bulan ang milabay sukad sa dihang nag-propose si Yulo sa iyang nobya.
“Nine months ago… she said yes. And all I can say and all I can feel is that I am truly blessed,”matud sa caption ni Yulo.
“Blessed to love you. Blessed to be loved by you. Blessed to have you as my fiancé and soon, as my forever,” dugang pa sa two-time Olympic ug Asian Games gold medalist.
Gidetalye usab ni Chloe sa iyang YouTube ang nahitabo sa proposal, diin makita nga gihimo kini sa usa ka resort nga gidekorasyonan og mga kandila ug mga bulak.
“For nine months, we’ve been treasuring this beautiful secret between us, quietly smiling to ourselves and taking our time to cherish it, knowing that one day we’d finally share it with the world,” matud pa ni San Jose.
Kahinumdoman nga nagsugod ang relasyon nila Yulo ug San Jose niadtong 2020.
