-- ADVERTISEMENT --
Gipakusog pa sa Government Service Insurance System o GSIS ang emergency loan assistance alang sa mga miyembro ug pensioners nga naapektuhan sa mga bag-ong bagyo ug Habagat.
Naglaan ang GSIS og kapin P8 bilyon nga pondo alang sa maong assistance.
Gilauman nga kapin 317,000 ka aktibong miyembro, old-age pensioners ug disability pensioners sa 16 ka lugar sa Luzon ug Mindanao ang makabenepisyo niini.
Ang mga kwalipikadong miyembro nga walay kasamtangang loan mahimong makautang og hangtod P20,000, samtang hangtod P40,000 naman ang mahimong mautang sa mga adunay outstanding loan balance.
Pinaagi niini, gilauman nga matabangan ang mga miyembro ug pensioners sa ilang mga panginahanglanon human maapektuhan sa mga bagyo ug Habagat.
-- ADVERTISEMENT --
