Kapin 1-K nga mga bata sa Bangladesh namatay tungod sa tipdas

Miabot na sa kapin 1,000 ka mga bata ang namatay tungod sa measles o tipdas sa Bangladesh.

Padayon ang pagsaka sa mga kaso sa tipdas sa maong nasod bisan pa sa gihimong emergency vaccination campaign.

Kapin 20 million na ka mga bata ang nabakunahan, apan kapin 1,000 ka bag-ong gituohang kaso ang gitaho matag adlaw.

Sumala sa United Nations Children’s Fund o UNICEF, palig-onon sa gobyerno sa Bangladesh sa sunod semana ang vaccination campaign aron mas paspas nga maabot ang mga bata nga wala pa mabakunahi.

Target usab sa World Health Organization o WHO nga hingpit nang mawagtang ang tipdas sa Bangladesh.

Sukad pa niadtong Marso, mokabat na sa 194,000 ka mga bata ang natakdan sa tipdas.