Gipakita sa Gilas Pilipinas ang dakong comeback human pildihon ang Jordan, 82-81, sa overtime sa FIBA Basketball World Cup 2027 Asian Qualifiers sa Mall of Asia Arena sa Pasay City.
Nabilin og 18 puntos ang Gilas sa unang bahin sa duwa apan nakahimo og comeback aron madala ang duwa sa overtime. Sa katapusang segundo, mipasulod si Kevin Quiambao og go-ahead three-pointer aron ipanguna ang Pilipinas, 82-79.
Si Kai Sotto maoy nanguna sa Gilas sa 18 puntos ug 14 rebounds, samtang nakadugang si CJ Perez og 16 puntos ug 14 usab si Quiambao ug Dwight Ramos. Sa katapusang 2.6 segundos, giblock ni Sotto ang game-winning attempt sa Jordan aron maselyohan ang kadaugan.
Tungod sa kadaugan, miuswag ang record sa Pilipinas ngadto sa 3-4 sa Group E ug naputol ang ilang upat ka sunod-sunod nga kapildihan sa qualifiers. Sunod nilang atubangon ang Iran karong Agosto 30.
