-- ADVERTISEMENT --
Gidasig sa City Health Office sa General Santos City ang mga residente nga mangayo og tabang kung dili na makaya ang kabalaka, kahadlok, stress ug emosyonal nga kakapoy.
Matod sa health office, dili kinahanglan nga mag-inusara sa pag-atubang sa bug-at nga pagbati, ilabina kung nagsugod na kini og epekto sa adlaw-adlaw nga kinabuhi.
Alang sa mga nanginahanglan og kastorya ug suporta, mahimong mokontak sa Mental Health Helpline sa City Health Office pinaagi sa 0920 295 1719. Modawat kini og mga tawag matag adlaw gikan alas-otso sa buntag hangtod alas-singko sa hapon.
Tumong sa helpline nga mahatagan og suporta ug hustong pag-atiman ang mga residente nga nag-atubang og mga kabalaka ug uban pang suliran sa mental health.
