Mokabat sa 6.5 milyon ka Pilipino ang nakagawas sa kakabus human mikunhod ngadto sa record-low nga 9.7% ang lebel sa kakabus sa nasud niadtong 2025, sumala sa Philippine Statistics Authority o PSA.
Kini ang unang higayon nga mikunhod sa single digit ang poverty rate sa nasud, ug giisip nga dakong kalampusan tungod kay nakab-ot kini og tulo ka tuig nga mas sayo kumpara sa target nga 2028 ubos sa Philippine Development Plan o PDP sa gobyerno.
Base sa datos sa PSA, mokabat sa 11 milyon ka Pilipino ang nagpuyo ubos sa poverty threshold niaging tuig, mas ubos kumpara sa 17.5 milyon niadtong 2023.
Ang pagkunhod sa lebel sa kakabus misunod sa pagtaas sa nominal nga kita og 22 porsyento tali sa 2023 ug 2025, mas taas kumpara sa natala nga inflation rate nga 5 porsyento sa samang panahon.
Sa usa ka pamahayag, miingon si Economic Planning Secretary Arsenio Balisacan nga sa unang higayon, mas ubos na sa usa sa matag napulo ka Pilipino ang nagpuyo ubos sa poverty line.
Matud pa niya, ang pagkab-ot sa mas ubos nga lebel sa kakabus sa wala pa ang target nga panahon nagpakita sa pagpalapad sa mga oportunidad sa ekonomi
