Nagplano nga mobalik sa United Kingdom ang Duke ug Duchess of Sussex.
Gipahibalo sa magtiayon nga sila Prince Harry ug Meghan mopuyo sa usa ka pribado ug non-royal nga pinuy-anan sa London.
Mobalik sila tungod kay magsugod sa Septyembre ang klase sa British school nga pagatun-an sa ilang mga anak nga sila Prince Archie, pito ka tuig ang edad, ug Princess Lilibet, lima ka tuig ang edad.
Nakahibalo na usab si King Charles sa plano sa iyang anak, lakip na sila Prince William ug Princess Catherine.
Apan wala pay plano ang magtiayon nga mobalik sa ilang mga katungdanan isip miyembro sa Royal Family.
Niadtong Hulyo, mibisita sila uban sa ilang mga anak kang King Charles sa Highgrove.
Niadtong 2020, mibalhin ang magtiayon sa California diin ilang gibiyaan ang ilang royal duties.
