Gibutyag ni Gensan City Mayor Lorelie Pacquiao nga mulungtad pa og kapin duha hangtod tulo ka tuig ang temporaryong paggamit sa sports complex sa Barangay Calumpang isip pasilidad sa Kolehiyo ng Heneral Santos.
Sumala pa niini nga temporaryo lamang ang paggamit sa maong sports complex samtang ginapadayon ang plano sa pagtukod sa permanente nga kampus sa Kolehiyo ng Heneral Santos sa Barangay Fatima.
Sa pagkakaron, padayon usab ang pagdawat sa mga enrollees sa maong tulunghaan ang 220 ka mga estudyante alang niining school year.
Gilauman nga pinaagi sa temporaryong paggamit sa Sports Complex sa Calumpang, mapadayon ang operasyon ug pagserbisyo sa Kolehiyo ng Heneral Santos samtang gihulat ang pagkompleto sa permanente nga pasilidad niini sa Barangay Fatima.
