Nakatilaw og pait nga kapildihan ang Gilas Pilipinas Women sa FIBA Pre-Olympic Qualifying Tournament nga gihimo sa Guadalajara, Mexico.
Gipildi sila sa host country nga Mexico sa iskor nga 61-58 sa ilang unang dula.
Sa unang quarter, nakalabaw na ang Gilas Women ug miabot pa sa 15 points ang ilang bentaha.
Sa kataposang unom ka minuto sa dula, nagpabilin silang adunay 10 points nga bentaha, 57-47.
Aduna pa untay higayon ang Gilas Women nga matabla ang dula sa nahibiling 21 seconds, apan wala napasulod sa beteranong center nga si Jack Animam ang usa sa iyang duha ka free throw.
Sa nahibiling mga segundo sa dula, nakahimo og sayop nga pasa si Afril Bernardino ngadto kang Vanessa De Jesus, nga misangpot sa unsportsmanlike foul ug mitapos sa ilang paglaom nga modaog.
Nasayang ang 15 points, upat ka assists ug tulo ka rebounds nga nahimo ni De Jesus, samtang si Animam usab mitabang sa kampanya sa Gilas Women.
Tungod sa maong resulta, kinahanglan nga modaog ang Gilas Women sa ilang sunod nga dula batok sa World No. 7 nga Canada sa Huwebes, Agosto 20.
