Nanghinaot si Gensan City Administrator Shandee Llido-Pestaño nga mahuman sa labing dali nga panahon ang ginaconstruct karon nga temporaryong balhinan sa mga vendor sa palengke aron maplastar na usab ang ilang pagpamaligya.
Matud ni Pestaño, usa sa ilang ginalantaw nga unang mabalhin mao ang fish section tungod kay kini ang maong bahin sa palengke nga gi-red tag atol sa inspeksyon human sa magnitude 7.8 nga linog.
Gipatin-aw sa opisyal nga importante nga mapadali ang pagkompleto sa temporaryong lugar aron mahatagan og hustong luna ang mga vendor ug makapadayon sila sa ilang panginabuhian…………Padayon usab nga gimonitor sa lokal nga panggamhanan ang kahimtang sa mga istruktura ug ang pag-andam sa temporaryong lugar alang sa mga apektadong vendor.
