Patay ang usa ka 4-anyos nga batang lalaki dinhi sa General Santos City kapin usa ka bulan human napaakan sa usa ka asong-gala, bisan pa og nabakunahan na kini batok sa rabies.
Napaakan ang bata sa nawong ug dunggan niadtong Hulyo 9 sa Barangay Sinawal. Nakadawat kini og tulo ka dose sa anti-rabies vaccine, apan wala na nakaabot sa ikaupat nga dose.
Niadtong Agosto 6, nagsugod kini og kasakit sa tiyan, sa wala pa mahadlok sa tubig ug hangin. Pagkasunod adlaw, patay na ang bata.
Matud ni Marlyn Casocot, inahan sa biktima, sakit kaayo alang sa ilang pamilya ang nahitabo tungod kay abi nila maayo na ang kahimtang sa ilang anak human kini mabakunahan. Wala nila damha nga bisan pa niini, mamatay gihapon ang ilang anak.
Samtang, padayon nga gipangita sa City Veterinary Office ang iro nga nakaakgat sa bata ug nagpahigayon usab og vaccination sa mga iro sa maong lugar.
