Magpatuman og border controls ang Spain sa tanang air ug sea travel gikan Italy taliwala sa nagkagrabeng panaglalis sa duha ka nasud kabahin sa isyu sa migration.
Nagsugod ang tensiyon human temporaryong mipatuman og border checks ang Italy, nga nakaapekto sa libre nga pagbiyahe tali sa mga nasod sakop sa Schengen Area.
Tungod niini, gihangyo sa Spain ang Italy nga tanggalon ang mga border checks sa adlawng Domingo, apan gisalikway kini sa Rome ug miingon nga dili sila modawat og bisan unsang “ultimatum” gikan sa Spain.
Gilauman nga molungtad og usa ka bulan ang dugang nga border controls sa Spain, gawas kung mausab ang kahimtang tali sa duha ka nasod.
Ubos sa lakang, ipailalom sa passport, nationality ug visa checks ang mga biyaherong Italyano ug ubang mga langyaw nga moabot sa Spain gikan Italy.
Una nang mipatuman og susamang restrictions ang Italy human sa gitumbok nga 78,000 ka illegal migrants gikan Morocco nga miabot sa Spanish exclave nga Ceuta.
Gipasabot sa Italy nga kinahanglan ang maong border checks aron mapugngan ang posibleng pagsulod sa illegal migrants sa nasod. Matud pa sa Rome, magpadayon ang ilang border checks hangtod Agosto 15 tungod sa gipaabot nga bag-ong pagdagsa sa mga migrante sa Ceuta.
