Padayon ang impresibong kampanya sa Filipina tennis star nga si Alex Eala sa 2026 Mubadala DC Open human niyang gipildi ang defending champion nga si Leylah Fernandez sa ikaduhang hugna pinaagi sa iskor nga 6-2, 7-6(1) aron makasulod sa quarterfinals sa torneo.
Dominante si Eala sa unang set ug nagpakita og lig-on nga depensa ug opensa batok kang Fernandez.
Sa ikaduhang set, bisan og hugot ang panagsangka, napildi niya ang Canadian pinaagi sa tiebreak aron maseguro ang deretsong duha ka set nga kadaugan.
Ang maong kadaugan usa na usab ka dako nga pahayag gikan sa 21-anyos nga Filipina, nga padayon nga nagpakita sa iyang kakusog batok sa mga top-caliber nga magdudula sa internasyonal nga entablado.
Uban sa maong kadaugan, nakabook na si Eala sa iyang puwesto sa quarterfinals ug padayon nga naghatag og garbo sa Pilipinas sa prestihiyosong torneo sa Washington, D.C.
