Gikatakdang mosalmot sa European Championships sa sunod nga bulan ang Swedish pole vault star nga si Armand “Mondo” Duplantis.
Gikumpirma kini sa iyang ahente nga si Daniel Wessfeldt human ang pag-atras sa 26-anyos nga atleta gikan sa Diamond League sa London niadtong miaging semana tungod sa iyang naangkon nga injury sa wala niyang paa atol sa iyang pag-abot sa 5.95 metros nga marka.
Dugang pa ni Wessfeldt nga wala na’y gibati nga bisan unsang kasakit o injury si Duplantis ug andam na kini alang sa maong torneyo.
Ang duha ka higayon nga Olympic champion ug tulo ka higayon nga world champion nakabuak na og world record sa pole vault sa 15 ka higayon. Ang una niyang rekord mao ang 6.17 metros niadtong 2020, samtang ang pinakabag-o niya mao ang 6.31 metros nga iyang nakab-ot sa Sweden niadtong Marso.
Pagahimuon ang European Championships sa Birmingham City, England gikan Agosto 10 hangtod 16.
