Giklaro ni Chinese Ambassador Jing Quan nga walay kalabotan ang China sa kontrobersyal nga Artificial Intelligence (AI) video nga gipakatap sa usa ka media nga gidumala sa estado sa China human kini naghulagway sa mga Pilipino nga mga unggoy.
Giinsistir sa ambassador nga kini buhat sa media ug dili sa gobyerno.
Miingon siya nga ang gobyerno sa China dili kontrolado ang tanan nga gipatik sa mga organisasyon sa media sa ilang nasud.
Nanawagan usab si Jing sa Pilipinas ug China nga ipadayon ang diyalogo aron mapaayo ang relasyon tali sa duha ka nasud bisan pa sa nagpadayon nga tensyon sa West Philippine Sea.
Sumala niya, ang China adunay usab mga dili pagsinabtanay sa ubang mga silingang nasud, apan nagtuo siya nga ang diyalogo ug negosasyon kinahanglan nga mopatigbabaw.
Gisugyot usab sa Chinese Ambassador nga ang nasud ihiklin ang mga kalainan niini ug mag-focus sa posible nga kooperasyon sa eksplorasyon sa lana ug gas.
Sa samang higayon, gikumpirma ni Jing nga magkita sila si Chinese Foreign Minister Wang Yi ug Foreign Affairs Secretary Ma.Theresa Lazaro sa sidelines sa ASEAN Foreign Ministers’ Meeting aron hisgutan ang isyu tali sa duha ka nasud.
