Gipasalig sa Bureau of Jail Management and Penology (BJMP) nga dili hatagan og espesyal nga pagtagad si Senador Rodante Marcoleta.
Sumala sa tigpamaba sa BJMP nga si Jsupt. Jayrex Bustinera, walay tawo nga gihikawan sa kagawasan (PDL) ang hatagan og VIP treatment ubos sa ilang kustodiya.
Gikumpirma usab sa BJMP nga ang senador anaa na karon sa kustodiya sa Quezon City Jail Male Dormitory sa alas 10:49 sa buntag karong Miyerkules, Hulyo 15.
Ang pagbalhin ni Marcoleta ngadto sa prisohan sa QC nahiuyon sa mando sa Sandiganbayan human ang mga doktor sa UP-Philippine General Hospital miingon nga walay rason nga magpabilin ang senador ubos sa hospital arrest.
Nag-atubang ang senador karon og kasong plunder uban sa tulo pa ka kaubang akusado tungod sa giingong wala gideklarar nga P75 milyon nga campaign donations.
