Gipahibalo ni Lead Prosecutor Gerville Luistro nga ang House prosecution panel dili na mopresentar og pipila ka naka-eskedyul nga mga saksi sa impeachment trial ni Bise Presidente Sara Duterte kagahapong adlawa , Hulyo 15.
Kini may kalabotan sa Impeachment Article IV nga naghisgot sa giingong mga hulga nga gihimo sa Bise Presidente.
Lakip sa mga dili na ipresentar mao ang usa ka representante gikan sa Philippine National Police Firearms and Explosives Office (PNP FEO), mga tigbalita nga sila si Mikhail Flores ug Bonz Magsambol, Sheriff Abe Andres, usa ka paryente sa biktima sa mga hulga, ug usa ka psychiatrist.
Sumala ni Luistro, si National Bureau of Investigation (NBI) Director Melvin Matibag mao ang katapusang saksi sa prosekusyon alang sa Article IV.
Ang iyang testimonya gilauman nga makahatag og hingpit nga katin-awan sa mga alegasyon sa mga hulga sa kinabuhi ni Presidente Ferdinand Marcos Jr., unang ginang Liza Marcos, ug kanhi House Speaker Martin Romualdez nga anaa sa impeachment complaint.
Ang desisyon sa prosekusyon nga putlon ang mga saksi giisip nga usa ka lakang aron mapadali ang hearing ug mapunting ang atensyon sa mga importanteng ebidensya ug testimonya nga direktang may kalabotan sa kaso.
