Nangayo og tabang ang South Korea sa North Korea aron pangitaon ang usa ka nawagtang nga sundalo sa ilang coast guard nga gituohang posibleng naanod ngadto sa bahin sa teritoryo sa Pyongyang.
Sumala sa South Korean Unification Ministry, nawala ang maong navy seaman kagahapon, Hulyo 12 samtang nagtuman sa coast guard duty sa East Sea, nga nailhan usab isip Sea of Japan.
Gituohang naanod siya sa kusog nga balod padulong sa Northern Limit Line, ang gitakdang utlanan tali sa South Korea ug North Korea.
Tungod kay wala nay aktibong linya sa komunikasyon ang duha ka nasud, gipadala sa South Korea ang ilang hangyo pinaagi sa text message ngadto sa mga tigbalita aron maabot ang mensahe sa Pyongyang.
Gihangyo usab sa gobyerno sa South Korea ang kooperasyon sa North Korea sa pagpangita ug luwas nga pagpauli sa nawagtang nga miyembro sa coast guard.
Sa pagkakaron, wala pa’y opisyal nga pahayag gikan sa gobyerno sa North Korea kalabot sa maong hangyo.
