Moanhi sa Pilipinas si Gong Yoo alang sa iyang fan meeting tour.
Gipahibalo sa iyang ahensya nga Management Soop pinaagi sa Instagram nga apil ang Manila sa “The Long Take” fan meeting tour, uban sa Jakarta, Yokohama, Bangkok, Macau, ug Seoul.
Sa maong anunsyo, gipatik usab ang sulat-kamot ni Gong Yoo diin iyang gipasalamatan ang mga fans sa ilang padayon nga suporta ug mga pangumusta sa iyang adlaw’ng natawhan, ug mipadayag sa iyang tinguha nga makahimamat sila aron makadugang og bag-ong kapitulo sa ilang dugay nang panaghigalaay.
Wala pa hinuon gipahibalo ang eksaktong petsa sa fan meeting ug ang detalye sa ticket selling. Si Gong Yoo nailhan sa iyang pagganap isip Kim Shin sa hit K-drama nga Goblin, nga nagsaulog sa ika-10 nga anibersaryo niini karong tuiga.
