Nakahimo og talagsaong proyekto ang usa ka 45 anyos nga German nga si Tommy Schmidt, pinaagi sa pag-assemble og 65,000 ka Lego bricks aron makahimo og porma sa bratwurst nga adunay bun ug linya sa mustard ibabaw niini, nga nakabreak sa Guinness World Record isip pinakadako nga Lego brick sausage.
Sumala kaniya, ang ideya gikan sa sausage producer nga Die Thüringer nga gikan sa iyang rehiyon sa Germany.
Sumala ni Schmidt nga ang proyekto usa ka pagpasidungog sa Thuringia diin ang bratwurst usa ka iladong lokal nga pagkaon nga ilado na sa tibuok kalibutan.
Miabot og kapin usa ka tuig ang tibuok proseso sa paghimo niini, lakip na ang unom ka bulan nga aktuwal nga construction phase.
Ang nahuman nga obra may gitas-on nga 6 feet ug 6.7 inches ug karon gipakita na sa headquarters sa Die Thüringer.
Giangkon usab niya nga lisod ang pag-transport sa modelo tungod sa kadako ug gibug-aton niini, busa daghan ang mitabang sa paglihok niini ug giplano gyud pag-ayo ang disenyo aron masulod sa ilang patio door.
