Gipamatud-an na usab sa TV host ug aktor nga si Billy Crawford ang iyang talento sa international stage human siya gikoronahang kampeon sa Season 9 sa Mask Singer France niadtong Domingo, Hunyo 28.
Sa Instagram post sa Mask Singer gipakita ang iyang grand winning performance diin iyang gikanta ang “Beat It”, ang sikat nga awit sa gitawag nga “King of Pop” nga si Michael Jackson.
Gidayeg usab si Billy sa French audience tungod sa iyang mga pasundayag sa lain-laing French ug English songs sa tibuok season.
Sa iyang tribute message, gipasalamatan ni Billy ang tibuok production team tungod sa pagpreserbar sa sekreto sa iyang pagkatawo sulod sa usa ka bulan sa wala pa ipadayag nga siya ang nagdala sa karakter nga “L’Ane” o donkey.
Human sa iyang kadaugan, mibuhos ang mga mensahe sa pagdayeg ug pagpangumusta gikan sa iyang mga fans sa Pilipinas ug ubang nasod.
