Magpadayon karong adlawa, Hunyo 22, ang pre-trial conference para sa impeachment trial ni Bise Presidente Sara Duterte, samtang ang duha ka habig nahuman na sa pagmarka sa mga ebidensya sa dili pa ang pormal nga husay sa Senado.
Ang pre-trial magsilbing inisyal nga miting sa mga panel sa depensa ug prosekusyon sa dili pa molingkod ang mga senador isip impeachment court. Ang aktuwal nga impeachment trial gikatakdang magsugod sa Hulyo 6.
Sa pagkakaron, ang duha ka kampo nagtuon ug nag-organisar pa sa mga dokumento nga may kalabotan sa upat ka artikulo sa impeachment batok sa Bise Presidente, lakip na ang giingong sayop nga paggamit sa pondo, wala matino nga bahandi, bribery, ug uban pang mga alegasyon.
Sumala ni Atty. Michael Poa, ang defense team ni VP Sara, nahuman na nila ang pagmarka sa mga ebidensya para sa pipila ka bahin sa kaso, apan kinahanglan pa og dugang panahon para sa dugang mga dokumento nga may kalabotan sa pipila ka mga isyu nga giingong mas lapad ug mas komplikado.
Samtang, ang Senate Secretariat ang nanguna sa proseso isip impeachment court, samtang ang prosecution panel gikan sa House of Representatives aktibong miapil.
Sumala sa House prosecution team, na-file na nila ang ilang pre-trial brief ug mga may kalabotan nga dokumento para sa mga senator-judges.
Miingon usab sila nga naka-focus sila sa pag-andam sa mga ebidensya ug dili sa gidaghanon sa mga boto nga gikinahanglan alang sa hukom sa Bise Presidente, apan kung giunsa nila pagpasabot sa husto ang ilang presentasyon sa mga ebidensya.
Mahinumduman nga si Sara Duterte gi-impeach niadtong Mayo 11 human makakuha og 257 ka boto sa Ubos Balay Balauranan sa Kongreso, may kalabotan sa mga alegasyon sa pag-abuso sa pondo ug uban pang mga isyu.
