Mikabat na sa 78 ka tawo ang gidaghanon sa mga namatay tungod sa pag-igo sa Magnitude 7.8 nga linog sa Mindanao, base sa datos sa National Disaster Risk Reduction and Management Council (NDRRMC).
Gipagawas ang maong report karong adlawa, Hunyo 18, 2026, napulo ka adlaw human nahitabo ang makalilisang nga pag-uyog sa yuta.
Matud sa NDRRMC, kadaghanan sa mga natalang namatay gikan sa SOCCSKSARGEN region, samtang 21 ka tawo ang gikan sa Davao region.
Gibanabana usab nga 1,339 ka tawo ang natalang nasamdan, samtang 30 ka indibidwal ang padayon pang gipangita.
Kapin 18,000 ka mga indibidwal ang nagpabilin karon sa mga evacuation center gikan sa kapin 1.4 milyong tawo nga naapektuhan sa maong linog.
Ang mga apektado naggikan sa Zamboanga Region, Davao, SOCCSKSARGEN, ug BARMM.
Gipasabot usab sa NDRRMC nga ang mga naitalang namatay kinahanglan pa nga moagi sa validation sa Management of the Dead and Missing, usa ka opisina nga gidumala sa Department of the Interior and Local Government (DILG) aron masiguro ang tukmang ihap sa mga biktima.
