Opisyal nang gipanas sa lokal nga kagamhanan sa General Santos City ang naunang pagsuspinde sa mga klase sa tanang lebel sa pampubliko ug pribadong mga tulunghaan pinagi sa Executive Order No. 38, Series of 2026.
Subay sa maong kamanduan gitugotan ang mga school head sa pagdesisyon kung unsang pamaagi sa pagtudlo ang labing angay ipatuman, lakip na ang paggamit sa alternatibong learning modalities o ang pagpadayon sa face-to-face classes. Ang maong desisyon kinahanglan gihapon nga motuman sa mga safety considerations aron masiguro ang kaayohan ug kaluwasan sa mga estudyante ug mga magtutudlo.
Gilauman nga pinaagi niini, mahimong magpadayon ang edukasyon samtang ginatagaan og kahigayunan ang matag eskwelahan sa pagpatuman sa mga lakang nga angay sa ilang kahimtang ug palibot. Giawhag usab ang mga ginikanan ug mga magtutudlo nga magtinabangay aron masiguro ang hapsay ug luwas nga pagbalik sa regular nga pag-eskwela.
Sa pagkakaron, ang pagbalik sa normal nga klase magdepende sa assessment ug desisyon sa tagsa-tagsa ka eskwelahan ubos sa giya sa Department of Education ug sa lokal nga kagamhanan.
