-- ADVERTISEMENT --
Patay ang usa ka LGBTQ teacher human giingong gikulata ug gipainom og muriatic acid sa usa ka Grade 12 student sulod sa iyang pinuy-anan sa Bacolod City.
Base sa imbestigasyon sa Bacolod Police Station 7, nag-inom una ang biktima ug ang suspek hangtod nga nahubog sa wala pa nahitabo ang krimen.
Gawas pa niini, migawas sa imbestigasyon nga gigapos pa sa suspek ang biktima sa wala pa kini gipainom og muriatic acid, nga maoy giingong hinungdan sa iyang kamatayon.
Misulay pa og ikyas ang suspek human sa insidente apan naabtan ug nadakpan kini sa mga pulis.
Sumala kang Police Station 7 Chief of Police PCapt. Jay-R Reyes, miangkon mismo ang suspek sa maong krimen ug karon nag-atubang na sa mga tukmang kaso
-- ADVERTISEMENT --
