Gikumpirma sa Office of Civil Defense (OCD) Region 12 nga ang Munisipyo sa Glan ug Malapatan sa probinsya sa Sarangani ang labing grabeng naapektuhan o hardly hit human sa miaging linog.
Sumala pa kang Beverly Anne Santos, ang tigpamaba sa OCD 12, gipahayag niini nga padayon nag-validate sa mga report ang Regional Disaster Risk Reduction and Management Council (RDRRMC) Emergency Operations Center (EOC) uban sa mga lokal nga pagamhanan ug mga partner agencies.
Matud pa ni Santos, sa pinakabag-ong datus sa tibuok Rehiyon 12, mosaka na ngadto sa 18 ka tawo ang gikatahu nga missing o padayong gipangita.
Sa pagkakaron, gipaspasan na sa gobyerno ang ilang mga interbensyon ubos sa response cluster lakip na ang Search, Rescue, and Retrieval Operations para sa mga missing, pagpang-apod-apod og relief goods, ug paghatag og psychosocial support alang sa mga biktima.
Samtang Nagpabilin ang panawagan sa ahensyal nga magtinabangay ug mag-amping ang tanan taliwala niining dakong pagsulay.
