Nagpabilin nga usa ka sensitibong isyu ang padayon nga impeachment trial batok kang Bise Presidente Sara Duterte, ilabi na kon adunay mga senador nga posibleng dili makapakita o moapil sa proseso.
Sumala ni Atty. Gerard S. Wang, dako ang mahimong epekto kung adunay mga senador nga dili makatambong sa impeachment proceedings, kay ang matag boto sa mga senador importante kaayo sa pagdesisyon sa kaso.
Gipunting usab niya ang kahimtang sa Senado karon nga limitado na ang mga miyembro nga aktibo sa pagdungog sa kaso. Kon adunay dugang pa nga mawagtang o dili makatambong, mahimo kining makaapekto sa integridad sa verdict.
Gikutlo usab sa diskusyon ang posibleng dili pagpakita ni Senador Bato dela Rosa, nga usa sa mga posibleng makaimpluwensya sa voting dynamics sa Senado. Matod pa sa mga obserbasyon, kon mokunhod pa ang aktibong mga senator-judges, mas mograbe ang panginahanglan sa kompleto ug patas nga partisipasyon sa tanang miyembro.
Sa karon, nagpadayon ang impeachment trial ug gilauman nga klarohon pa sa Senado ang mga procedural matters aron masiguro nga patas ug valid ang mahimong desisyon. _
