Gipaambit ni Ivan Marino ang Bombo International Correspondent sa Mexico ang kasamtangang sitwasyon sa Mexico City kalabot sa pagpangandam alang sa 2026 FIFA World Cup.
Sumala kaniya, andam na ang Estadio Azteca nga usa sa pinaka-iconic nga stadium sa kasaysayan sa football, aron mahimong usa sa mga venue sa maong torneyo.
Gilauman nga mokabat sa kapin 80,000 ka mga manan-away ang motambong sa mga duwa sa FIFA 2026.
Nasayran usab nga ang Estadio Azteca mao ang unang stadium sa kasaysayan nga nakapahigayon og tulo ka FIFA World Cups kaniadtong 1970 FIFA World Cup, 1986 FIFA World Cup, ug karong 2026 FIFA World Cup.
Dinhi usab miduwa ang mga legendary football players nga sila Pelé ug Diego Maradona sa ilang mga historic nga duwa sa World Cup.
