Nakab-ot sa usa ka lalaki sa Illinois ang Guinness World Record human nasuta nga miabot sa 3,482 ka piraso ang iyang koleksyon sa Bearbricks toys.
Si Daniel Park, nga naila sa social media isip “BrickChicago,” opisyal nga mi-catalog sa iyang koleksyon niadtong Marso ug gikumpirma sa Guinness World Records isip adunay pinakadakong koleksyon sa Bearbrick bears sa kalibotan.
Matod ni Park, nagsugod siya pagpangolekta sa mga kolorful nga plastic figures lima ka tuig na ang milabay human siya naka-abli og usa ka blind box.
Tungod sa iyang pagkahilig sa maong mga dulaan, padayon niyang gipalapdan ang iyang koleksyon hangtod karon.
Apil sa iyang koleksyon ang mga Bearbricks nga gihulma base sa mga karakter sa pop culture, mga atleta, musicians, ug uban pang sikat nga obra sa fine art.
